Admin
Admin
عدد المساهمات : 956
تاريخ التسجيل : 03/11/2009
 |  موضوع: علم بلدي  الخميس فبراير 18, 2010 6:03 am | |
| علـــم بلـــــدي
علم بلدي يا شيء غالي ...................
................. مرفرف فوق سما أرضي
دا إللي بيحرقه قبالي ......................
...................... كأنه بيمتِهـِن عرْضِي
يا أغلى حاجه ف الدنيا ...................
................... يا أغلى عندي من ولدي
أصونك جوه ف عنيَّه ......................
...................... لأحفادي اللي من بعدي
علم بلدي يا شيء غالي
ـــــــــــــــــ
ترفرف تبقى دي إشاره .....................
...................... عشان ف بلادنا حريَّه
ونِسْرك يسعى بجناحُه ......................
......................... يلـِم الأرض والميَّه
يشيلها فوق على كتافه .....................
.................. بحور وأراضي مصريه
ينادي لو عدو هدِّد ........................
........................ بوقفة جُنـْد حربيه
علم بلدي يا شيء غالي
ــــــــــــــــــــ
علمنا بيمشي قـُدَّمنا ......................
................... في أفراحنا وأتراحنا
وفي الأعياد وبإدينا .....................
............ نحُطـُّه فوق على سطوحنا
وفي أحزاننا يتنكـِّس ...................
............... مشاركه منه ف المِحْنه
وفي الحرب اللي خـُضناها ...........
.................. رفعناه ع الجبل إحنا
علم بلدي يا شيء غالي
ـــــــــــــــــــ
علم بلدي يا شيء غالي ...............
................... وكنت معانا في سينا
مرفرف فوق قواربنا ..................
................. بترقـُص يوم ما عدِّينا
وقِفـْت ونِسرَك الشامِخ ................
.................... يقول ياللا قوام بينا
نحرر أرضِنا الغاليه ..................
.................. ونِحمِي حدودنا بإدينا
علم بلدي يا شيء غالي
ــــــــــــــــــــــ
علم بلدي يا شيء غالي ...............
.................... بنعرف منه أحوالي
لو احنا ملفوفين حواليك ..............
................... ودايما إنت في خيالي
هتِتعدِّل معيشيتنا .........................
.................. وانا رح ينصِلِح حالي
وطول ما انت بترعانا ..................
.................. أنا هيروق كمان بالي
علم بلدي يا شيء غالي
ـــــــــــــــــ
شرف بلدي بيتلفلِف ....................
..................... في راياته وأعلامُه
مصون طول ما العلم يحميله .........
....................... أجنابُه وقـُدَّامـُه
وشعب كبير بيستلـْهـِم ................
................. من الرايه دي أحلامُه
وطول ما علمنا فوق عالي ...........
.................. فكل الشعب خـُدَّامُه
علم بلدي يا شيء غالي
************* | |
|
